مع اقتراب انطلاق بطولة كأس أمم أفريقيا اللي هتتقام في المغرب خلال الفترة الجاية، بدأت جماهير الكرة المصرية تتابع أخبار المنتخب لحظة بلحظة، وخصوصًا بعد ما أعلن حسام حسن، المدير الفني لمنتخب مصر.
القائمة النهائية اللي هتشارك في
البطولة وسط طموحات كبيرة من الجمهور في إن الفراعنة يقدموا أداء قوي ويرجعوا
ينافسوا على اللقب من جديد.
الإعلان عن القائمة خلق حالة جدل واسعة
على السوشيال ميديا بين مؤيد ومعارض، لكن في النهاية حسام حسن قرر يعتمد على أفضل
مجموعة جاهزة من اللاعبين سواء محليين أو محترفين، وده بهدف إنه يخلق توليفة
متوازنة تجمع بين الخبرة والسرعات والمهارات.
وفي السطور الجاية هنقدم لك تحليل كامل
للقائمة، تفاصيل استعدادات المنتخب، معلومات مهمة عن مباراة نيجيريا الودية، وكمان
جدول مباريات الفراعنة في دور المجموعات، كله بأسلوب بسيط وواضح.
أولاً: القائمة الرسمية لمنتخب مصر في كأس أمم أفريقيا
الاتحاد المصري لكرة القدم أرسل رسميًا
قائمة تضم 28 لاعب للكاف. القائمة دي هي اللي هيدخل
بيها المنتخب نهائيات أمم أفريقيا في المغرب.
حراسة المرمى
خط المنتخب في الحراسة يعتبر الأقوى من
سنين، وده بسبب وجود توازن بين الخبرة والشباب:
محمد الشناوي ،أحمد
الشناوي ،مصطفى شوبير ، محمد صبحي.
وجود 4 حراس خطوة مهمة جدًا من حسام حسن
علشان يضمن إن الفريق ميقعش في أزمة لو حصل أي إصابة أو غياب مفاجئ.
خط الدفاع
القائمة ضمت مجموعة مدافعين قادرين على
اللعب بأكثر من طريقة دفاعية:
محمد هاني ، أحمد عيد
، رامي ربيعة ، خالد صبحي ، ياسر إبراهيم ، محمد إسماعيل ، حسام عبد المجيد، محمد
حمدي ، أحمد فتوح.
المدافعين دول بيجمعوا بين الخبرة
والقوة البدنية والسرعات، وده هيكون مهم خصوصًا في مجموعتنا اللي فيها فرق بتلعب
على الهجمات المرتدة.
خط الوسط
الوسط يعتبر أكتر خط فيه تنوع في
الأدوار:
مروان عطية، حمدي
فتحي ، مهند لاشين ، محمود صابر ، محمد شحاتة ، إمام عاشور ، أحمد سيد زيزو، محمود
تريزيجيه ، إبراهيم عادل ، مصطفى فتحي ، عمر مرموش ،محمد صلاح .
وجود أسماء قوية زي صلاح وتريزيجيه
وزيزو ومرموش بيدي حلول هجومية كبيرة، غير إن الوسط الدفاعي قوي بوجود مروان وحمدي
فتحي ومهند لاشين.
خط الهجوم
تم اختيار 3 مهاجمين فقط:
مصطفى محمد ، صلاح
محسن ، أسامة فيصل.
مصطفى محمد يعتبر المهاجم الأساسي، لكن
بوجود صلاح محسن وأسامة فيصل هيكون فيه مرونة في تغيير طريقة اللعب حسب الخصم.
لماذا اختار حسام حسن القائمة دي؟
حسام حسن حاول يوازن بين:
لاعبين عندهم خبرة في البطولات القارية ، لاعبين جاهزين بدنيًا ،
لاعبين عندهم مرونة تكتيكية ، لاعبين أصحاب سرعات ومهارات عالية.
والحقيقة إن اختيار 28 لاعب بيدي الجهاز
الفني فرصة إنه يغير في خطط اللعب بين المباريات حسب ظروف كل مواجهة في دوري
المجموعات.
المباراة الودية الأخيرة قبل البطولة: مصر ضد نيجيريا
قبل ما يدخل المنتخب البطولة، عنده
بروفة قوية جدًا أمام منتخب نيجيريا، مواجهة مهمة علشان حسام حسن يعرف مستوى
لاعبيه في مواجهة فريق كبير وقوي بدنيًا.
موعد المباراة
المباراة هتتلعب يوم الثلاثاء
المقبل ،في تمام الساعة 8 مساءً، على ملعب استاد القاهرة.
المباراة اتأجلت 48
ساعة بناءً على طلب المنتخب النيجيري.
القناة الناقلة
المباراة هتتذاع على قناة
أون سبورت 1.
المباراة دي هتكون آخر اختبار للمنتخب
قبل السفر للمغرب، وهيكشف فيها حسام حسن عن شكل التشكيل الأساسي اللي هيدخل بيه
البطولة.
تحليل مجموعة مصر في كأس أمم أفريقيا
المنتخب المصري وقع في المجموعة الثانية،
ومعاه أنجولا ، جنوب إفريقيا ،زيمبابوي.
مجموعة متوازنة على الورق، لكنها مش
سهلة زي ما البعض فاكر، وكل فريق ليه أسلوب لعب مختلف:
زيمبابوي
خصم عنيد، بيعتمد على القوة البدنية
والضغط العالي. وده السبب اللي مخلي حسام حسن يركز على الانضباط الدفاعي.
جنوب أفريقيا
فريق منظم وذكي تكتيكيًا، ودايمًا
مبارياته مع مصر بتكون صعبة.
أنجولا
فريق سريع جدًا، والهجمات المرتدة عندهم
سلاح قوي، وده هيطلب تركيز كبير من دفاعنا.
جدول مباريات مصر في دور المجموعات
مصر × زيمبابوي
- الإثنين 22 ديسمبر
- المباراة الافتتاحية للفراعنة في البطولة
مصر × جنوب أفريقيا
- الجمعة 26 ديسمبر
مصر × أنجولا
- الإثنين 29 ديسمبر
- آخر مباراة في دور المجموعات
المباريات كلها جاية ورا بعض، وده
هيحتاج جاهزية بدنية عالية وتركيز كبير من اللاعبين.
أبرز نقاط قوة المنتخب في البطولة
وجود محمد صلاح
نجم عالمي، ووجوده بيفرق بشكل رهيب سواء
داخل الملعب أو نفسيًا على باقي اللاعبين.
قوة خط الوسط
تريزيجيه، زيزو، إمام عاشور، مرموش…
كلهم لاعبين قادرين يصنعوا الفارق.
التنظيم الدفاعي
رغم الانتقادات، لكن المستوى الدفاعي
بيتحسن مع الوقت.
نقاط الضعف اللي لازم تتصلح
- عدم وجود مهاجم بديل قوي بنفس مستوى مصطفى محمد
- بطء دفاع المنتخب في بعض التحولات
- عدم استقرار التشكيل الأساسي لسه
لكن الودية مع نيجيريا هتوضح الصورة
أكتر.
هل المنتخب قادر ينافس على اللقب؟
الإجابة بصراحة:
آه… ولو التركيز موجود ممكن نوصل لنهاية بعيدة جدًا.
المنتخب مع حسام حسن عنده روح عالية،
وحماس كبير، ولو الانسجام ظهر بدري في البطولة، ممكن نشوف شكل هجومي قوي.
